Pasi Partia Socialiste, sot në Kuvend refuzoi ti heqë imunitetin e Belinda Ballukut, ka reaguar edhe Ambasada e Suedisë në Tiranë.
Ata shprehen në rrjetet sociale se presin që sistemi i drejtësisë në Shqipëri, të veprojë me shpejtësi dhe pa pengesa.
Në reagim thuhet gjithashtu, se politika është përgjegjëse për garantimin e këtij procesi.
Reagimi i Ambasadës suedeze:
Suedia mbështet integrimin e Shqipërisë në Bashkimin Europian, në përputhje me dëshirën e popullit shqiptar. Një kërkesë kyçe për përparimin në këtë proces të bazuar në meritë është ndjekja penale efektive e korrupsionit, përfshirë edhe në nivelet më të larta.
Ne presim qartë që, në raste të tilla, sistemi i drejtësisë të jetë në gjendje të veprojë me shpejtësi dhe pa pengesa. Udhëheqja politike shqiptare mbetet përgjegjëse për garantimin e këtij procesi.
