Rusia ka realizuar një sulm ajror masiv ndaj Ukrainës, duke lëshuar një numër rekord dronësh në qytete të ndryshme të vendit gjatë një periudhe 24-orëshe, duke shkaktuar pasoja të rënda për jetën e njerëzve dhe infrastrukturën.
Sipas autoriteteve ukrainase, më shumë se 400 dronë u përdorën gjatë pasdites së së martës, në një sulm të paprecedentë që pasoi një bombardim të rëndë gjatë natës. Ky sulm i gjerë ka lënë pas shkatërrim të gjerë dhe viktima.
“Në Lviv, të paktën 22 persona janë plagosur dhe mund të ketë viktima të tjera”, u shpreh kryebashkiaku Andriy Sadovyi, duke theksuar se një ndërtese banimi iu vënë flakët, pranë një objekti historik. Po ashtu, manastiri Bernardine, një monument i mbrojtur nga UNESCO, ka pësuar dëmtime të mëdha.
Sulme të ngjashme janë regjistruar edhe në qytetet e tjera perëndimore si Ivano-Frankivsk, Vinnytsia dhe Ternopil, ku pati viktima dhe të plagosur, përfshirë një fëmijë gjashtëvjeçar.
Ky është një nga sulmet më të mëdha ajrore nga Rusia ndaj Ukrainës që nga fillimi i luftës, me shumë dronë të organizuar që hynë në hapësirën ajrore ukrainase, duke bërë që autoritetet të ngrenë alarmin për një intensifikim të sulmeve.
