Ministri i Infrastrukturës dhe Energjisë, Enea Karakaçi, ka udhëtuar këtë të mërkurë në Shkodër për t’u prezantuar si drejtues i ri politik i Partisë Socialiste për këtë qark.
Në takimin e tij me kryebashkiakun e Shkodrës, Benet Beci, i cili mbante këtë post deri më 21 mars, Karakaçi theksoi angazhimin e tij për të energjizuar strukturat e PS-së dhe për të nisur procesin e anëtarësimeve të reja.
“Një takim i veçantë për mua pasi unë kthehem në qytetin tim. Kemi ndezur motorat, qëllimet janë shumë të qarta. Janë lënë në detyrë nga Asambleja e Partisë Socialiste të energjizojmë strukturat dhe të fillojmë anëtarësime të reja. Përgatitemi që në zgjedhjet e vitit pasardhës të jemi sa më të përgatitur dhe të marrim një rezultat të shkëlqyer.”
