Futbollisti profesionist i Kombëtares së Kosovës, Fisnik Asllani, pas humbjes së djeshme me Turqinë në stadiumin “Fadil Vokrri” në Prishtinë me rezultatin 0:1, për finalen e play-offit që të dërgonte në Botëror, ka reagur me anë të një postimi në faqen e tij facebook, duke thënë se nuk ishte vetëm një humbje por një endërr që u ndal pak para fundit.
Postimi i Asllanit
Nuk është vec një humbje… është një ëndërr që u ndal pak para fundit, e dhamë shpirtin, besuam deri në sekondën e fundit, por fati nuk ishte në anën tonë. Dhimbja është e madhe, sepse e dinim sa afër ishim historisë… sa afër një momenti që do mbetej përgjithmonë… Por ne jemi Kosova dhe do të kthehemi më të fortë!
Faleminderit Kosovë.
