Deputetja e Lidhjes Demokratike të Kosovës (LDK), Hykmete Bajrami, ka reaguar ndaj deklaratave të kryeministrit Albin Kurti lidhur me kërkesën për numrin e votave të nevojshme për zgjedhjen e presidentit.
Kurti ka theksuar se për të kaluar procesi i zgjedhjes së presidentit, nevojiten të paktën 84 ose 85 vota, duke vënë në pikëpyetje 80 votat që kanë qenë të mjaftueshme për vitin 2021.
“Në vitin 2021, as nuk i kanë pasë 80 vota të sigurta, as kandidatja s’ka qenë konsensuale. Sot, Kurti po kërkon figurë jopartiake/unifinuese dhe garanci me 85 vota. Veç një gjë duhet ta dimë: nëse shkojmë në zgjedhje prapë, as vota për kryetar të Kuvendit s’ka me pasë, e lëre më për president. Pra, prej bllokade në bllokadë, prej krize në krizë, me rëndësi Kurti të ketë kontroll të plotë mbi buxhetin dhe institucionet. Të mjerët ne kush po na udhëheqë! Uroj ta kuptojmë sa më parë.”
