Në 24 orët e fundit, dy pikat kufitare Kapshticë dhe Qafë Thanë kanë shënuar një rritje të dukshme të trafikut të udhëtarëve.
Në Kapshticë, shumë qytetarë shqiptarë që jetojnë në Greqi po kthehen për të kaluar Pashkët Ortodokse me familjarët, ndërsa në Qafë Thanë lëvizjet janë shtuar për shkak të udhëtimeve drejt Maqedonisë së Veriut për furnizime me karburant dhe produkte ushqimore më të lira.
Autoritetet kufitare raportojnë se hyrjet dhe daljet në të dyja pikat po luhaten në disa mijëra persona, duke treguar një fluks më të lartë sesa ditët e zakonshme.
