Nëse Irani do të jetë pjesë e Botërorit, do t’i luajë ndeshjet në SHBA, ashtu siç është programuar në kalendar. Pavarësisht kërkesave të shumta që federata iraniane ka bërë në FIFA për t’i spostuar sfidat në Meksikë, duket se institucioni më i lartë i futbollit botëror i ka refuzuar.
Edhe pse mungojnë njoftimet zyrtare, lajmin e ka bërë të ditur presidentja e Meksikës, Klaudia Sheinbaum, e cila thotë se FIFA nuk do të bëjë ndryshime, pasi do të sillnin vështirësi të mëdha në aspektin logjistik dhe në zhvillimin e turneut.
Tani gjithçka është në dorën e Iranit nëse do të marrë pjesë apo jo në Botëror.
