Kryeministri i Kosovës, Albin Kurti, ka uruar liderin e partisë Tisza të Hungarisë, Peter Magyar, për fitoren e tij të rëndësishme në zgjedhjet parlamentare të Hungarisë.
Kurti shprehu mirënjohjen për mbështetjen e qytetarëve hungarezë ndaj vlerave evropiane dhe theksoi gatishmërinë për bashkëpunim të mëtejshëm mes dy shteteve.
“Urime Peter Magyar për fitoren në Hungari. Kosova e mirëpret mbështetjen e popullit hungarez për vlerat e Bashkimit Evropian dhe presim me padurim të bashkëpunojmë. Ky rezultat i zgjedhjeve është një hap i rëndësishëm për avancimin e përpjekjeve të përbashkëta në forcimin e lidhjeve mes vendeve tona dhe për zhvillimin e mëtejshëm të marrëdhënieve tona bilaterale,” ka deklaruar kryeministri Albin Kurti.
