Anëtari i Kryesisë së Lidhjes Demokratike të Kosovës, Visar Azemi, me anë të një deklarate për mediat ka bërë me dije se partia po synon unifikimin e plotë dhe rikthimin e të gjithë anëtarëve të saj, duke mos përjashtuar as mundësinë e rikthimit të ish-presidentes Vjosa Osmanit.
Azemi theksoi se LDK po punon për bashkimin e spektrit të djathtë politik dhe forcimin e strukturës së saj.
“LDK po synon kthimin e gjithë anëtarëve të saj kështu që edhe për Vjosa Osmanin mund të ketë vend në LDK sepse e djathta duhet me u bashku. Kësisoj po synojmë të unifikojmë partinë siç ka qenë LDK-ja gjithherë”, u shpreh Azemi.
