Kandidatja për deputete nga radhët e Lidhjes Demokratike e Kosovës, Albena Reshitaj, ka deklaruar se partia e saj synon fitoren në zgjedhjet e 7 qershorit, duke e cilësuar programin e LDK-së si më të mirin për qeverisjen e vendit.
Ajo theksoi rëndësinë e institucioneve stabile, bashkëpunimit me aleatët ndërkombëtarë dhe gatishmërinë për koalicione me subjektet që vendosin interesin e shtetit mbi dallimet politike.
“Ne po hyjmë në zgjedhje për të fituar besimin qytetar dhe besojmë se programi ynë është i duhuri për vendin. Të gjithë ata që janë të gatshëm për kompromis politik dhe për ndërtimin e institucioneve funksionale, janë partnerë të mundshëm për bashkëpunim”, deklaroi Albena Reshitaj.
