Policia e Lezhës ka finalizuar operacionin “Llogaritë”, duke goditur një rast të dyshuar vjedhjesh të kryera në disa biznese të qytetit gjatë muajve të fundit.
Sipas hetimeve, dy persona dyshohet se kanë bashkëpunuar për të marrë xhirot ditore në 12 subjekte tregtare në Lezhë, gjatë periudhës maj–qershor.
Gjatë operacionit është arrestuar një 21-vjeçar, ndërsa bashkëpunëtori i tij është shpallur në kërkim nga policia.
Autoritetet bëjnë me dije se hetimet nisën pas denoncimeve të pronarëve të bizneseve dhe vijojnë për identifikimin e rasteve të tjera të mundshme të lidhura me këtë veprimtari.
