Kryeministri Albin Kurti deklaroi se do të bëjnë përpjekje maksimale për ta zgjedhur presidentin sot, teksa është dita e fundit para skadimit të afatit Kushtetues.
Tek ka hyrë në Kuvend, Kurti ka theksuar se po presin nëse deputetët e opozitës do të shkojnë në seancë.
“Ne i bëjmë përpjekjet maksimale, tash ta shohim a do të vinë deputetët e opozitës që e kanë obligim kushtetues të përfaqësojnë popullin, të marrin pjesë në votim”, është shprehur shkurt Kurti.
Ai nuk është përgjigjur kur është pyetur nëse do ta përkrahin Vjosa Osmanin për presidente.
