Presidenti i Serbisë, Aleksander Vuçiç, gjatë një interviste televizive, është shprehur se nisma “Ballkani i Hapur” ka qenë ideja e tij, por u ndërpre sepse disa fuqi të mëdha europiane nuk e kishin “timonin në duar”.
Ndër të tjera Vuçiç tha se gjatë këtyre viteve të luftës mes Rusisë dhe Ukrainës, Serbia është akuzuar shpesh si marionetë e Kremlinit, vetëm e vetëm për të nxitur më tej konfliktet në Ballkan.
“Ballkani i Hapur ishte ideja ime. U ndërpre sepse disa fuqi të mëdha europiane nuk e kishin “timonin në duar”. Dhe na akuzonin neve, shtypi juaj, të gjithë në Mbretërinë e Bashkuar, mijëra herë në katër vitet e fundit, që nga fillimi i luftës në Ukrainë, se Serbia e vogël, ajo marioneta ruse, do të niste luftë kundër dikujt në Ballkan për të larguar vëmendjen nga Rusia. Dhe këtë e kam dëgjuar për më shumë se katër vjet. Dhe kurrë nuk kam dëgjuar as edhe një fjalë ndjesë apo çfarëdo tjetër. Kurrë,” u shpreh Vuçiç.
