Gjermania reagon ndaj tërheqjes së trupave amerikane: Ishte e pritshme

Ministri gjerman i Mbrojtjes, Boris Pistorius, e cilësoi të pritshëm vendimin e SHBA-së për të tërhequr 5.000 ushtarë nga bazat në Gjermani.

Ai theksoi se forcat amerikane shërbejnë për interesat e SHBA-së dhe sigurinë e rajonit evropian.

Pistorius shtoi se Gjermania do të koordinohet ngushtë me aleatët evropianë për misionet e ardhshme, duke u përqendruar në zhvillimin dhe modernizimin e forcave të saj të armatosura.

“Prania e ushtarëve amerikanë në Evropë, dhe veçanërisht në Gjermani, është në interesin tonë dhe në interesin e Shteteve të Bashkuara. Ne bashkëpunojmë ngushtë me amerikanët në Ramstein, Grafenwöhr, Frankfurt dhe vende të tjera, për paqen dhe sigurinë në Evropë, për Ukrainën dhe për parandalimin e përbashkët. Shtetet e Bashkuara gjithashtu përqendrojnë këtu funksione të tjera ushtarake, për shembull për interesat e tyre në politikën e sigurisë në Afrikë dhe në Lindjen e Mesme.”