Autoritetet e Emirateve të Bashkuara Arabe raportuan një sulm me dronë të lëshuar nga Irani drejt territorit të tyre, që shkaktoi alarm në Dubai.
Sipas njoftimit zyrtar, katër dronë janë nisur në drejtim të Emirateve. Tre prej tyre u rrëzuan nga sistemet e mbrojtjes ajrore, ndërsa një tjetër ra në det pa shkaktuar dëme.
Si pasojë e incidentit, sirenat e alarmit ranë tre herë në Dubai, duke ngritur nivelin e gatishmërisë së sigurisë.
Megjithatë, autoritetet konfirmuan se nuk pati viktima apo dëme materiale, dhe situata është vënë nën kontroll. Për momentin, nuk janë dhënë detaje të tjera për shkaqet e sulmit ose reagimin e mëtejshëm nga autoritetet e sigurisë.
