Presidentja në detyrë e Kosovës, Albulena Haxhiu, me anë të një video-postimi në faqen e saj facebook u ka bërë thirrje qytetarëve që jetojnë jashtë vendit të regjistrohen për të marrë pjesë në zgjedhjet e reja të cilat do të mbahen më 7 qershor 2026.
Postimi i Haxhiut
Sot po ju drejtohem juve që për dekada e keni mbajtur Kosovën afër, në punë, në shtëpi, në gjuhë në kujtesë dhe në dinjitet. Afati i regjistrimit për të votuar jashtë vendit nis sot dhe vazhdon deri më 17 maj. Regjistrohuni për të votuar, ju keni qenë pranë Kosovës edhe kur kufijtë, dhuna dhe largësia janë munduar t’ju mbajnë larg. Keni punuar dhe keni sakrifikuar për ta ndihmuar atdheun tonë. Keni qenë zëri i Kosovës kudo në botë, vazhdoni kontributin për Republikën e Kosovës dhe bëhuni pjesë e vendimmarrjes.
