Këngëtarja shqiptare me famë ndërkombëtare, Dua Lipa, ka ngritur një padi ndaj kompanisë Samsung, duke e akuzuar atë se ka përdorur pa autorizim një fotografi të saj për promovimin e televizorëve.
Sipas dokumenteve të padisë, imazhi i artistes është shfaqur në një fushatë reklamuese pa dijeninë dhe miratimin e saj, si dhe pa asnjë kompensim financiar.
Dua Lipa argumenton se kjo përbën shkelje të të drejtave të autorit dhe ka krijuar përshtypjen e rreme se ajo kishte mbështetur produktin, gjë që nuk ka ndodhur.
Në padinë e dorëzuar, ajo kërkon një dëmshpërblim prej 15 milionë dollarësh nga kompania.
