Shqipëria nuk ka rrezik të lartë nga hantavirusi. Kështu siguroi Instituti i Shëndetit Publik ditën e sotme. ISHP deklaroi se rreziku për Shqipërinë dhe më gjerë në Europë vlerësohet shumë i ulët dhe se aktualisht nuk ka asnjë rast të konfirmuar në vend.
Sipas përfaqësuesit të ISHP-së, situata epidemiologjike është nën monitorim të vazhdueshëm, ndërsa autoritetet shëndetësore kanë ndërmarrë masa paraprake për identifikimin në kohë të çdo rasti të dyshuar dhe për gjurmimin e kontakteve të mundshme.
“Po marrim masa që çdo rast i dyshuar të izolohet dhe të gjurmohet” tha ISHP.
