Dhomat e Specializuara të Kosovës në Hagë njoftuan se sot do të zhvillohen seancat në çështjen Thaçi dhe të tjerët që lidhen me akuzat për vepra kundër administrimit të drejtësisë.
“Sikurse pasqyrohet në Kalendar, në çështjen Thaçi dhe të tjerët në lidhje me akuzat për vepra kundër administrimit të drejtësisë, janë caktuar seanca për periudhën nga 11 deri 15 maj 2026”, u tha në njoftimin e DhSK-së.
Në këtë dosje nën akuzë janë Hashim Thaçi, Bashkim Smakaj, Fadil Fazliu, Isni Klaj dhe Hajredin Kuçi.
