Ish-ministri i Shëndetësisë, Ilir Beqaj, ka kërkuar që masa e sigurisë “arrest në burg” të zëvendësohet me arrest shtëpie, detyrim paraqitjeje ose garanci pasurore prej 2 milionë lekësh, në kuadër të dosjes SASPAK.
Mbrojtja e tij ka argumentuar se paraburgimi aktual është i tepërt, duke u mbështetur edhe në vendimet e Gjykatës së Lartë.
Seanca në Gjykatën e Posaçme Kundër Korrupsionit dhe Krimit të Organizuar u shty dhe do të vazhdojë më 20 maj në orën 09:30.
Beqaj ndodhet në paraburgim që nga korriku 2024 për abuzim me donacionet e huaja. Ai përballet edhe me akuza të tjera, përfshirë korrupsion pasiv, shkelje të barazisë në tendera dhe falsifikim dokumentesh.
