Ministri i Infrastrukturës dhe Energjisë, Enea Karakaçi, njoftoi se qeveria ka miratuar sot një masë kompensimi prej 50 lekësh për litër karburant, që do të përfshijë të gjitha shoqëritë e transportit publik, si qytetas ashtu edhe ndërqytetas.
“Sot kemi vendosur që të kompensohet me 50 lekë për litër të gjitha shoqëritë e transportit publik qytetas dhe ndërqytetas. Kjo masë subvencionuese do të fillojë të zbatohet nga muaji mars,” tha ministri Karakaçi, duke shtuar se qëllimi i vendimit është mbështetja e operatorëve të transportit dhe ndihma në përballimin e kostove të karburantit.
