Bashkim Rajku, babai i reperit Noizy, dhe motra e tij u paraqitën këtë të mërkurë në Gjykatën e Posaçme kundër Korrupsionit dhe Krimit të Organizuar (GJKKO) si dëshmitarë në procesin ndaj Laert Haxhiut, i akuzuar për 14 vepra të rënda, përfshirë vrasje, atentate, shpërthime me tritol dhe grabitje me armë.
Rajku dhe motra e tij u thirrën kryesisht për të dhënë sqarime mbi shpërthimin me tritol në dyqanin e reperit në Durrës më 8 shtator 2022, ngjarje ku nuk pati të lënduar, por vetëm dëme materiale.
Seanca e kaluar, ku pritej të dëshmonte edhe vetë Noizy, u shty, ndërsa babai dhe motra janë mes 60 dëshmitarëve të thirrur nga mbrojtja e Haxhiut për të ndihmuar hetimin.
