Kryetari i degës së Lëvizjes Vetëvendosje (LVV) në Skenderaj, Hysni Mehani deklaroi se është sulmuar nga kryetari i kësaj komune që vjen nga Partia Demokratike e Kosovës (PDK), Sami Lushtaku. Por në një reagim më vonë, Lushtaku ka mohuar se e ka sulmuar Mehanin, porse ka thënë se qytetarët reaguan pas etiketimeve “Sami Serbia”.
Lëvizja Vetëvendosje tha se Mehani u sulmua kur po pinte kafe me ish-deputeten e Arjeta Fejza dhe aktivistë të partisë në një kafene të Skenderajt. Ata kanë publikuar edhe foton se si duket Mehani, i cili shihet i gjakosur në fytyrë.
“Sot, në kafeterinë “Solo” në qendër të Skenderajt, është sulmuar brutalisht nga Kryetari i Komunës së Skënderajt Sami Lushtaku dhe truprojat e tij, zëvendësministri i Ministrisë së Financave, kandidati për deputet dhe Kryetari i Qendrës së LVV-së në Skënderaj, Hysni Mehani. Ky sulm fizik ndodhi në kohën kur z. Mehani ishte duke pirë kafe me deputeten Arjeta Fejza dhe aktivistë të LVV-së”, thuhet në reagim.
“Më sulmuan dhe më morën telefonin”/ Kreu i LVV-së në Skënderaj akuzon kryetarin e komunës
