Përpjekjet për arritjen e një zgjidhjeje diplomatike në luftën mes Rusisë dhe Ukrainës po vijojnë të mbeten të ndërlikuara, në një kohë kur situata në terren karakterizohet nga sulme të vazhdueshme dhe retorikë e ashpër mes palëve.
Procesi i paqes duket i ngadalësuar dhe i pasigurt, ndërsa aktorët ndërkombëtarë dhe palët në konflikt japin interpretime të ndryshme mbi zhvillimet e fundit dhe perspektivën e negociatave.
“Procesi i paqes mes Rusisë dhe Ukrainës është aktualisht në një fazë pauze, por pala ruse pret që ai të rifillojë në një moment të përshtatshëm. Në të njëjtën kohë, duhet marrë parasysh edhe fakti se sulmet ndaj objektivave civile nuk vijnë vetëm nga njëra palë, por janë pjesë e një përshkallëzimi të ndërsjellë që po ndikon drejtpërdrejt në klimën e negociatave,” tha Dmitry Peskov.
