Ministri i Financave i ekstremit të djathtë i Izraelit, Bezalel Smotrich, tha sot se kishte mësuar se prokurori i Gjykatës Ndërkombëtare Penale (GJNP) në Hagë kishte paraqitur një kërkesë “sekrete” për një urdhër arresti kundër tij.
Në një konferencë për shtyp, Smotrich nuk specifikoi se kush e informoi për urdhër-arrestin, pasi procesi i lëshimit të urdhër-arresteve është konfidencial. Ai gjithashtu nuk zbuloi arsyet pse GJNP po kërkon një urdhër-arresti për të.
Zyra e prokurorit të GJPN-së nuk pranoi të komentojë, duke përmendur konfidencialitetin e procedurave.
Prokurorët mund t’u paraqesin një kërkesë konfidenciale gjyqtarëve, të cilët duhet të përcaktojnë nëse ka baza të arsyeshme për të arritur në përfundimin se një i dyshuar ka kryer krime brenda juridiksionit të GJPN-së, me qëllim miratimin e kërkesës.
Ministri izraelit i financave tha se ishte informuar se gjykata kishte “paraqitur një kërkesë sekrete për një urdhër arresti ndërkombëtar kundër tij”.
Në nëntor 2024, GJPN lëshoi urdhër arresti për kryeministrin izraelit Benjamin Netanyahu dhe ish-ministrin izraelit të Mbrojtjes Yoav Galal, si dhe udhëheqësin e Hamasit Ibrahim Al-Masri, për krime lufte dhe krime kundër njerëzimit të kryera në luftën dyvjeçare në Rripin e Gazës, e cila shpërtheu më 7 tetor 2023, pas sulmit vdekjeprurës të lëvizjes islamiste palestineze në Izraelin jugor. Prokurorët mund t’u paraqesin një kërkesë konfidenciale gjyqtarëve, të cilët duhet të përcaktojnë nëse ka baza të arsyeshme për të arritur në përfundimin se një i dyshuar ka kryer krime brenda juridiksionit të GJPN-së, me qëllim miratimin e kërkesës.
Ministri izraelit i financave tha se ishte informuar se gjykata kishte “paraqitur një kërkesë sekrete për një urdhër arresti ndërkombëtar kundër tij”.
Në nëntor 2024, GJPN lëshoi urdhër arresti për kryeministrin izraelit Benjamin Netanyahu dhe ish-ministrin izraelit të Mbrojtjes Yoav Galal, si dhe udhëheqësin e Hamasit Ibrahim Al-Masri, për krime lufte dhe krime kundër njerëzimit të kryera në luftën dyvjeçare në Rripin e Gazës, e cila shpërtheu më 7 tetor 2023, pas sulmit vdekjeprurës të lëvizjes islamiste palestineze në Izraelin jugor.
Smotrich i quajti urdhër-arrestet kundër zyrtarëve izraelitë një “deklaratë lufte” nga Autoriteti Palestinez, duke i bërë jehonë me sa duket zemërimit të qeverisë izraelite ndaj asaj që e sheh si mbështetje palestineze për veprime ligjore ndërkombëtare mbi luftën në Gaza.
Britania dhe katër vende të tjera vitin e kaluar vendosën sanksione ndaj Smotrich dhe një ministër tjetër izraelit të ekstremit të djathtë, Itamar Ben-Gvir, duke i akuzuar ata për nxitje të përsëritur të dhunës kundër palestinezëve në Bregun Perëndimor.
Smotrich ka bërë thirrje për një pushtim të përhershëm të Rripit të Gazës dhe rivendosjen e vendbanimeve hebraike në enklavën palestineze, vendbanime që Izraeli i braktisi në vitin 2005.
Netanyahu ka hedhur poshtë qëndrimet e Smotrich.
