IDF ka paralajmëruar për sulme të afërta në fshatrat në Libanin jugor në veri të lumit Litani duke u bërë thirrje banorëve të evakuohen.
Në një “paralajmërim urgjent” të postuar në mediat sociale, zëdhënësi i ushtrisë izraelite Avichai Andrae u bëri thirrje banorëve të rreth 12 fshatrave në periferi të komuniteteve të Nabatiyeh dhe Marzayoun të evakuohen “për sigurinë e tyre” në pritje të sulmeve kundër grupit islamist Hezbollah.
Disa nga këto fshatra ndodhen në bregun e djathtë (veri) të lumit Litani, ndërsa të tjerët janë në bregun e majtë.
Hezbollahu dhe ushtria izraelite akuzojnë njëri-tjetrin për shkelje të përditshme të armëpushimit që hyri në fuqi më 17 prill.
Të paktën 10 persona, përfshirë gjashtë punonjës shpëtimi dhe një vajzë të vogël, u vranë në një seri sulmesh izraelite në Libanin jugor të dielën, tha ministria e shëndetësisë e vendit. Ushtria izraelite tha se sulmet kishin në shënjestër luftëtarët e Hezbollahut që udhëtonin me motoçikleta dhe uzinat e prodhimit të armëve të grupit shiit.
