Donika Gocaj, 56 vjeçe, me origjinë shqiptare ka humbur jetën në New York City të SHBA, pasi dyshohet se ka rënë në një pusetë të hapur mirëmbajtjeje në zonën e Fifth Avenue.
Sipas mediave amerikane ngjarja ka ndodhur pak para mesnatës së të hënës, kur efektivët iu përgjigjën një telefonate emergjente në Manhattan dhe gjetën gruan pa ndjenja në fund të pusetës, rreth tre metra të thellë.
Ndërkohë, familjarët e viktimës thanë për mediat se po përpiqen të kuptojnë se si mund të kishte ndodhur një tragjedi e tillë në një nga rrugët më të frekuentuara të qytetit.
