Minstria për Europën dhe Punët e Jashtme të Shqipërisë, e drejtuar nga Ferit Hoxha ka reaguar pas pamjeve të publikuara ku ministri izraelit Itamar Ben-Gvir shfaqet pranë aktivistëve të gjunjëzuar që shkuan për të dërguar ndihma humanitare në Gaza, mes të cilëve është edhe shqiptari Baki Goxhaj.
Postimi i Hoxhës
Imazhet e publikuara nga Ministri Itamar Ben-Gvir që tregojnë trajtimin poshtërues të aktivistëve të ndaluar të flotiljes janë tronditëse dhe të papranueshme.
Të gjithë personat e ndaluar duhet të trajtohen me dinjitet dhe në respekt të plotë të të drejtave të njeriut, ligjit ndërkombëtar dhe ligjit humanitar.
Kam udhëzuar #Ambasadën tonë në Tel Aviv që të mbetet në kontakt dhe koordinim të ngushtë me autoritetet izraelite në mënyrë që të sigurohet që qytetarit tonë t’i ofrohet ndihma e duhur konsullore, sipas nevojës dhe në përputhje të plotë me ligjin ndërkombëtar.
