Atalanta ka nisur planifikimet për forcimin e mesfushës në prag të merkatos, teksa në listën e saj të vëzhgimeve është edhe mesfushori i Milanit, Ardon Jashari.
Interesi i klubit nga Bergamo lidhet me situatën e Ederson, i cili është pranë një transferimi te Manchester United, duke lënë një boshllëk të rëndësishëm në repartin e mesfushës.
Jashari vlerësohet si një investim për të ardhmen, pavarësisht një sezoni të vështirë të shoqëruar me dëmtim dhe mungesë vazhdimësie.
Sipas mediave italiane, bisedimet e para mes klubeve mund të nisin së shpejti, ndërsa vendimi përfundimtar do të varet nga Milani dhe strategjia e tij në merkato.
