Kryetari i Partisë Demokratike, Sali Berisha, është takuar me delegacionin e Komisionit të Venecias, ku ka ngritur shqetësime për mënyrën e financimit të partive politike dhe ndikimin e tij në procesin zgjedhor.
Sipas tij, ekzistojnë pabarazi të mëdha mes partive dhe përdorim i burimeve publike gjatë fushatave.
“Çështja e financimit të partive është çështja më e rëndësishme e procesit zgjedhor. Ne kemi provuar me fakte se në këto zgjedhje, në aspektin e financimit nga buxheti, diferenca mes dy partive kryesore ka qenë shumë e madhe, në qindra deri në mijëra herë. Partia në pushtet ka zhvilluar mijëra aktivitete gjatë periudhave të ndaluara nga ligji, me kosto të konsiderueshme nga buxheti i shtetit.”
