Pas përplasjes me policinë dhe çarjes së kordonit të sigurisë, mijëra qytetarë zhvilluan për të katërtën ditë me radhë protestën e tyre para Kryeministrisë në Tiranë, duke kërkuar dorëheqjen e kryeministrit Edi Rama.
Tubimi u zhvillua në mënyrë paqësore, me thirrje për ruajtjen e qetësisë dhe shmangien e provokimeve.
“Kemi një thirrje të madhe për të gjithë, e arritëm qëllimin dhe erdhëm sërish këtu para kryeministrit. Këtu do rrimë sërish deri sa ai të japë dorëheqjen. Ne nuk jemi të dhunshëm si kjo qeveri,” tha një banore nga Rrjolli, e cila u drejtua protestuesve gjatë tubimit. Ajo shtoi se protesta është e popullit, nuk ka nevojë për organizatorë dhe se dialogu me kryeministrin zhvillohet në shesh.
