Në Berlin, emigrantë shqiptarë janë mbledhur para ambasadës së Shqipërisë në një protestë në mbështetje të tubimeve që po zhvillohen në vend kundër ndërtimeve në zonat e mbrojtura, përfshirë edhe debatin për Zvërnecin.
Tubimi është zhvilluar në orën 18:00, ku pjesëmarrësit kanë shprehur solidaritet me protestuesit në Tiranë, Vlorë dhe qytete të tjera, duke kërkuar ndalimin e ndërhyrjeve në natyrë.
Protestuesit kanë ngritur edhe thirrjen “Natyra është e jona”, ndërsa kanë kritikuar mënyrën e menaxhimit të zonave të mbrojtura, duke adresuar akuza si ndaj qeverisë, ashtu edhe ndaj opozitës.
Ata theksuan se reagimi i tyre nuk lidhet vetëm me interesin personal, por edhe me të ardhmen e brezave të ardhshëm në Shqipëri, duke kërkuar mbrojtjen e mjedisit dhe hapësirave të gjelbra.
