Ushtruesja e Detyrës së Presidentes së Kosovës, Albulena Haxhiu, ka bërë thirrje që të gjithë personat përgjegjës të angazhohen maksimalisht gjatë numërimit të votave në zgjedhjet e parakohshme parlamentare.
“Pas mbylljes së qendrave të votimit, fillon faza vendimtare e procesit zgjedhor, numërimi. Çdo votë është zëri i qytetarëve dhe duhet të trajtohet me përgjegjësinë më të lartë. Ftoj të gjithë personat përgjegjës që me përkushtim, vigjilencë dhe profesionalizëm të angazhohen maksimalisht në mbrojtjen e vullnetit të popullit dhe integritetit të procesit. Ju uroj shumë suksese, punë të mbarë dhe që rezultati përfundimtar të pasqyrojë besnikërisht vullnetin e qytetarëve”, shkruan Haxhiu në rrjetet sociale.
