Këtë të enjte nis Botërori i futbollit në stadiumin legjendar “Azteca” në Meksiko, që pret për herë të tretë një ndeshje hapëse pas edicioneve të viteve 1970 dhe 1986.
Ndeshja e parë do të jetë Meksikë–Afrikë e Jugut, me rreth 87 mijë spektatorë, shumica meksikanë, që do të mbështesin skuadrën e tyre.
Megjithë disa sfida me përgatitjet e stadiumit sipas kritereve të FIFA-s, impianti legjendar vazhdon të jetë një prej tempujve më të rëndësishëm të futbollit botëror.
Meksika vjen me shpresat te lojtarë të rinj si Gilberto Mora dhe Memote Martínez, duke synuar një start të mirë pas barazimit me Afrikën e Jugut në hapjen e Botërorit 2010.
