Policia e shtetit deklaron se ka ngritur një strukturë të posaçme për kërkimin e trupit të Eglant Koçit i zhdukur pak ditë më parë dhe i ekzekutuar nga shoku i tij.
Përmes pamjeve të kamerave të sigurisë është vërtetuar fakti që trupi është nxjerrë nga apartamenti dhe është zhdukur për të humbur gjurmët.
“Një strukturë e posaçme po merret për kërkimin e trupit. Po ndiqet nga krimet e rënda në polici” deklaroi sot drejtori i policisë së Tiranës, Oliger Torba. Kërkimi është fokusuar në rrethinat e Tiranës dhe Elbasanit.
Armand Shakaj, në kërkim si autor të dyshuar për zhdukjen e Eglant Koçit, dyshohet se ka përdorur një karrotrec për të transportuar automjetin e tij, brenda të cilit dyshohet se ndodhej edhe trupi i 34-vjeçarit.
