Mijëra qytetarë shqiptarë, të cilëve iu bashkua edhe diaspora në të gjithë botën, u mblodhën sot në ditën e 14 të protestës para Kryeministrisë, ku kërkuan dorëheqjen e kryeministrit Edi Rama dhe qeverisë së tij.
Një prej qytetarëve tha se sot është mitingu i emigrantëve të cilët erdhën nga bota për t/ju bashkuar kësaj proteste madhështore.
“Ky sot është mitingu i diasporës, të gjithë emigrantët janë këtu. Ky sistem politik na ka larguar, na ka detyruar të ikim larg vendit tonë. Por zemra e vendit tonë ka ardhur e gjitha këtu sot”, tha ai.
Protestuesit para Kryeministrisë: Poshtë oligarkët! Rama në burg, Berisha në burg!
