Brazili i drejtuar nga Carlo Ancelotti nuk shkoi më shumë se një barazim 1–1 ndaj Marokut në ndeshjen e parë të Grupit C.
Marokenët kaluan të parët në avantazh në minutën e 21-të me golin e Saibarit, ndërsa Brazili reagoi shpejt duke vendosur baraspeshën me Vinicius Junior në minutën e 32-të, pas një aksioni individual.
Pjesa e dytë u karakterizua nga ritëm më i ulët dhe pak raste të rrezikshme, me të dyja skuadrat që duket se u pajtuan me ndarjen e pikëve.
Me këtë rezultat, Brazili e çon në 21 ndeshje serinë pa humbje në ndeshjet e para të Kupës së Botës, me 17 fitore dhe 4 barazime.
