Gjatë protestës masive të zhvilluar në Tiranë kundër qeverisë së Edi Rama, eksperti Gent Progni ka marrë fjalën duke bërë deklarata ironike dhe kritike ndaj kryeministrit.
Ai iu referua Ramës me shprehjen “shefi i Zegjinesë”, ndërsa vuri në dyshim edhe numrin e pjesëmarrësve në shesh, duke theksuar se sipas tij protesta ka mbledhur mijëra qytetarë nga vendi dhe diaspora.
Progni deklaroi gjithashtu se pjesëmarrësit janë përballur me presione për të mos marrë pjesë në protestë, ndërsa ngriti pyetje ironike në lidhje me diasporën dhe punësimin e tyre.
“Kam tre ditë që na bëjnë presion me civilë dhe foto dhe na çojnë mesazhe mos u paraqisni në protestë. Po tani që ka ardhur diaspora, do i hiqni nga puna? Ata do të të heqin ty nga puna. Rama në burg, Berisha në burg”, është shprehur ai gjatë fjalës së tij në protestë.
