Një 60-vjeçar ka humbur jetën mbrëmjen e sotme në Rrogozhinë, pas një konflikti të çastit me fqinjin e tij që përfundoi me përdorimin e thikës.
Sipas të dhënave paraprake, ngjarja ka ndodhur në lagjen “Mollaj”, ku pas një sherri për motive të dobëta, 25-vjeçari M.M. dyshohet se ka goditur me mjet prerës fqinjën e tij, Rr.M., rreth 60 vjeç, i cili ka ndërruar jetë si pasojë e plagëve të marra.
Policia bën me dije se i riu është arrestuar menjëherë pas ngjarjes, falë ndërhyrjes së shërbimeve të rendit, ndërsa dyshohet se edhe vetë autori ka pësuar dëmtime të lehta në dorë.
Grupi hetimor, nën drejtimin e Prokurorisë, po vijon punën për sqarimin e plotë të rrethanave dhe dokumentimin ligjor të ngjarjes.
