Presidenti Emmanuel Macron pas takimit me kryeministrin Edi Rama në Paris shprehet se raportet dhe dinamika mes Francës dhe Shqipërisë do të shënojë një tjetër vrull dhe se mbështet procesin e integrimit.
“Mirë se erdhe i dashur Edi Rama
Dinamika shumë e mirë e marrëdhënieve mes Shqipërisë dhe Francës në inovacion, arsim dhe arsim të lartë, kulturë dhe turizëm, dëshmojnë afërsinë tonë.
Ne duam t’i japim vrull të ri, si dhe të vazhdojmë të forcojmë bashkëpunimin tonë ekonomik dhe të mbrojtjes.
Franca rikonfirmon mbështetjen për integrimin europian të Shqipërisë dhe ndjekjen e reformave të nevojshme për të çuar përpara në rrugën e saj europiane” shprehet Macron.
