Policia e Tiranës, në bashkëpunim me RENEA-n, ka zhvilluar një operacion në fshatin Zallë të Fushë-Krujës për kapjen e të shumëkërkuarit Ylli Zalla.
Sipas policisë, operacioni është kryer gjatë natës pas informacioneve operative për vendndodhjen e tij, por 49-vjeçari nuk është gjetur në banesë. Gjatë kontrollit është sekuestruar një pistoletë, e cila dyshohet se i përket atij.
Zalla është shpallur në kërkim në kuadër të hetimeve për një arsenal armësh të zbuluar më herët në zonë, pas ngjarjeve kriminale pranë Rinasit. Ai ka edhe precedentë penalë, përfshirë arrestimin në vitin 2014 për armëmbajtje pa leje dhe dyshime për përfshirje në veprimtari ekstremiste.
