Ish-Ministri i Mbrojtjes në qeverinë Berisha, Gazment Oketa dëshmoi sot për procesin në gjyqin për kompleksin Partizani. Ai tha se ka firmosur një shkresë asokohe, që të ndiqet procedura dhe se kabineti që drejtonte nuk e kishte mendjen tek Klubi Partizani në atë moment.
“Kur erdhi tek unë procedura pothuajse kishte mbaruar. Në dokumentin e vitit 2008, kam vendosur shënimin, të ndiqet procedura dhe brenda të gjitha rregullave u ndoq procedura legjitime dhe është parë që nuk ka një regjistrim.
Oketa në GJKKO për dosjen Partizani: Nuk kishte interes për Ministrinë e Mbrojtjes
Në 2008 prioritet ishte anëtarësimi në NATO, pak muaj kishte që ishte shpallur pavarësia e Kosovës, ministria e Mbrojtjes kishte prioritete të tjera, nuk ka qenë prioritet cështja e klubit Partizani. Nuk ishim ministria e Sportit” tha ai.
