Këtë të martë, maturantët në të gjithë vendin po zhvillojnë provimin e fundit të Maturës Shtetërore, atë të lëndës me zgjedhje.
Që në orët e para të mëngjesit, qindra nxënës janë paraqitur në qendrat e testimit për të përmbyllur zyrtarisht procesin e provimeve të këtij viti shkollor.
Provimi po zhvillohet nën masat e përcaktuara nga autoritetet arsimore, ndërsa maturantët shprehen të sigurt dhe optimistë për rezultatet, duke e konsideruar këtë test si hapin final drejt arsimit të lartë.
Me përfundimin e këtij testi, mbyllet edhe cikli i Maturës Shtetërore për vitin 2025–2026.
