Kryeministri Edi Rama ka reaguar sërish kundër Dritan Goxhajt, përfaqësuesit që lexoi mbrëmë dokumentin me pesë pika të protestuesve në sheshin përballë selisë së qeverisë. Mbrëmë e cilësoi ‘zëdhënës të interesave të Iranit’ kurse sot, Edi Rama shkruan se Dritan Goxhaj është ‘gjysëm taleban e gjysëm mitoman’. Kryeministri ka nxjerrë edhe një dokument kundër Goxhajt.
“Po mos bre mos ja kajni nanën krejt, çfarë komandant i leshit more”… Këto ishin fjalët e një burri me disa të vrarë në familje, që i revoltuar me hosanatë e mbrojtësve të këtij tipit, më çoi dokumentin bashkëngjitur sot në sabah.
Rama: Kërkesat e protestuesve u bënë nga “zëdhënësi i Iranit”
Ndërsa këto janë fjalët e mia:
Ej, trima, jo për një manipulator gjysëm taleban e gjysëm mitoman, po për krejt botën sikur të ma falin, nuk e hedh një pikë balte unë mbi flamurin e UÇK-së
Dhe kush bën shaka me ndërhyrjen agresive të Iranit në këtë protestë, do ndihet shumë i turpëruar kur e vërteta të dalë në shesh, pasi e tërë kjo mjegull histerie digjitale të shpërndahet” shkruan ai.
