Edhe këtë të mërkurë mes kushteve të motit të keq i shoqëruar me reshje shiu, sërish mijëra vetë u mblodhën para Kryeministrisë në ditën e 25 të protestës masive kundër Edi Ramës dhe qeverisë së tij.
Mes mijërave protestuesve aktivistja Sidorela Vatnikaj një nga folëset e këtij tubimi tha: Shoqëria shqiptare ka dalë në rrugë, nuk është më e frikësuar dhe nuk mund të shantazhohet më me bukën e gojës. Njerëzit po kërkojnë një Shqipëri të re.
Ndërkohë një protestuese tjetër që kishte mbaruar Akademinë e Arteve me Kryeministrin Edi Rama, nga podiumi para demonstruesve u kujtoi se kreu i shtetit dikur iu thoshte shoqeve në klasë mos u vishni si Lenka Çuko, ndërsa sot tha ajo Rama ka përfunduar më keq se kostumet e Lenkës.
