Kryeministri Edi Rama, njëherësh edhe drejtues i Partisë Socialiste, është paraqitur mëngjesin e së mërkurës në selinë e kësaj force politike, ku pritet të zhvillojë një takim me drejtuesit politikë të qarqeve në vend.
Mbledhja, e parashikuar të niste rreth orës 08:30, zhvillohet pas një serie takimesh të mëparshme me grupin parlamentar dhe kabinetin qeveritar.
Ajo vjen gjithashtu në një periudhë kur në kryeqytet po vijojnë protestat që kërkojnë dorëheqjen e tij.
Më pas, në vijim të agjendës së ditës, Rama do të zhvillojë një tjetër takim me kryebashkiakët, i cili është planifikuar të mbahet në orën 09:30 në ambientet e ish-hotel “Dajti” në Tiranë.
