Eurodeputetja italiane, Cristina Guarda, me anë të një postimi në rrjetin e saj instagram ka njoftuar se së shpejti do ti bashkohet protestës antiqeveritare në Tiranë, duke thënë se Europa i thotë Ramës se nuk mund të autorizosh resorte extra luksi pas vlerësime ambientale.
Në postimin e saj ajo shkruan: Evropa duhet t’ju dëgjoje. Shihemi në shesh.
Fjala e eurodeputetes
“Pas pak ditësh do të jem ne Shqipëri, në shesh me ju. Falë dhe amendamentit të propozuar nga ne ” Të Gjelbërit”, Evropa i thotë Edi Ramës që nuk mundet të autorizojë Rezort extra lluks pa vlerësime ambientale dhe ligje të cilat respektojnë standartet Evropiane. Me delegacionin e “Të gjelbërve” të parlamentit Evropian do të vijmë për të takuar Shoqërinë Civile, OJQ dhe Qytetarët tashmë ne ditën e 24 të protestës, jo të dhunshme, më te cilën po na mësoni shumë edhe neve. Është një mobilizim i pa precedentë i cili kërkon më shumë demokraci, transparencë dhe të drejta. Dua të jem aty me ju. Evropa duhet t’ju dëgjoje. SHIHEMI NË SHESH.
