Kreu i Veteranëve të Luftës së Ushtrisë Çlirimtare të Kosovës, Hysni Gucati, ka kërkuar që në protestat që po mbahen në Shqipëri të mos përdoret flamuri i UÇK-së.
Ndërsa ishte i prerë se nuk ka mercenarë shqiptarë. Për Dritan Goxhajn tha se nuk është anëtar i kësaj organizate të veteranëve të luftës së UÇK-së.
Ditë më parë, kryeministri Edi Rama publikoi një dokument ku ka vënë në pikëpyetje përfshirjen e Goxhajt në luftën e Kosovës.
Në kuadër të protestave në përkrahje të ish-krerëve të UÇK-së, të cilët po ballafaqohen me akuza për krime lufte, një e tillë do të mbahet në Kroaci.
Sipas kreut të Organizatës së Veteranëve të Luftës së UÇK-së, protesta do të mbahet më 5 korrik, nga ora 18:00, në Zarë.
Gucati shpreson se kjo do të jetë protesta e fundit, me besimin se çlirimtarët do të kthehen në Kosovë./Klan
