Franca është kualifikuar në fazën e 16 ekipeve më të mira të Botërorit. “Gjelat” triumfuan pastër 3-0 ndaj Suedisë, në një ndeshje të dominuar totalisht. Pjesa e parë u mbyll me avantazhin 1-0 të francezëve, falë golit të Kylian Mbappe në minutën e 45-të.
Fraksioni i dytë nisi me golin e Barcola që dyfishoi shifrat, ndërsa Mbappe kompletoi dopietën personale në minutën e 74-t. Me këtë dopietë, Mbappe arrin Messin me 6 gola këtë edicion. Në raundin e 1/8-ve, Franca do të përballet me Paraguain, kombëtare që eliminoi Gjermaninë.
