Kryeministri në detyrë i Kosovës, Albin Kurti, me anë të një postimi në rrjetin e tij facebook ka ndarë një mesazh urimi me rastin e 25 vjetorit të pavarësisë së SHBA.
Në postimin e tij Kurti shkruan se Kosova është përherë falenderuese dhe mirënjohëse ndaj SHBA për partneritetin dhe aleancën e pazëvendësueshme.
Postimi i Kurtit
250 vjet!
Jeta, Liria dhe Kërkimi i Lumturisë, janë të veçuara në preambulën e Deklaratës së Pavarësisë së Shteteve të Bashkuara të Amerikës, në mesin e të drejtave të patjetërsueshme, si themel i qeverisjes që krijohet me miratimin e popullit.
Derisa bota e civilizuar është frymëzuar nga këto vlera, populli ynë për kohë shumë të gjatë ka qenë i privuar nga këto të drejta. E në këtë mes, përjetimi ynë është unik sepse për ne jetësimi i këtyre vlerave dhe të drejtave është i lidhur ngushtë me ShBA-të. Prandaj, këmbënguljes dhe sakrificës së popullit tonë për liri e pavarësi, natyrshëm i erdhi ndihma amerikane.
